Монголын залуусын авъяасыг нээн хөгжүүлэх, олонд сурталчилан таниулах зорилготой Universe Best Songs наадам 5 дахь жилдээ амжилттай зохион байгуулагдаж байгаа билээ.Хайрлая Хүндэлье Инээмсэглэе уриатай энэ жилийн наадамд нийт 800 орчим залуус авъяас чадвараа сорин өрсөлдснөөс 16 оролцогч өөрсдийн гэсэн өвөрмөц өнгө аяс, дуу хоолойгоороо бусдаас ялгарч шилдэг хэмээх өргөмжлөлийг хүртсэн.

Энэ жилээс ивээн тэтгэгчээр ажиллаж буй Моннис Моторс компани шилдэг 16 оролцогчдыг Ниссан төвдөө хүлээн авч хөгжөөнт уралдаан тэмцээн зохион байгуулж, цэцэрлэгийн багачуудад үлгэрийн ном бэлэглэж, нэгэн өдрийг дурсамж дүүрэн өнгөрөөлөө.

Тэдгээр шилдэг оролцогчдоос Гран При шилдэг оролцогч болон 2, 3 дугаар байрын эздийг 5 дугаар сарын 22, 23-ны өдрүүдэд Улаанбаатар Паласын концертын их танхимд тодруулах юм.