Ниссан Монголиа 4х4 клуб нь байгуулагдсан цагаасаа хойш төрөл бүрийн авто аялал, спорт өдөрлөгүүдийг тогтмол зохион байгуулж байгаа билээ.

Тус клуб нь Ниссан автомашин эзэмшигчдийнхээ дунд ээлжит нэгэн арга хэмжээ болох Чингэлтэй, Богд хан хайрханы өдрийн аяллыг 11 дүгээр сарын 24-ний Бямба гарагт зохион байгуулах гэж байна.Энэхүү өдөрлөгөөр нийслэл хотын иргэд, Ниссан хүлэгтнүүд маань Чингэлтэй хайрханы оргилоос Улаанбаатар хотыг тольдож тус газартай холбоотой түүхэн сонирхолтой үйл явдлуудтай танилцах юм.

Мөн хүрэлцэн ирсэн Ниссан хэрэглэгчдийнхээ дунд автомашин жолоодлого, техникийн ур чадварын сорилт, хөгжөөнт олс таталтын тэмцээн зэргийг зохион байгуулах гэж байна.

Өмнөх жилийн хувьд Ниссан хүлэгтнүүд маань Улаанбаатар хотынхоо түүхэн хөгжил, сонирхолтой баримтуудтай танилцаж их хотынхоо иргэдэд замын хөдөлгөөнд соёлтой оролцохыг уриалан Ниссан Парад өдөрлөгийг амжилттай зохион байгуулж байсан билээ.

Ниссан Монголиа 4х4 клуб нь байгуулагдаад 2 жил болж байгаа хэдий ч Ниссан Тур-адал явдал бартаат замын аялал, Ниссан Чаллэнж-автоспорт тэмцээн, Шилийн Богд-өвлийн аялал зэргийг улирал тутамд уламжлал болгон зохион байгуулдаг болоод байна.

Энэхүү Ниссан клубын 4х4 өдөрлөг нь Ниссан автомашинтай хүн бүр оролцоход нээлттэй ба найз нөхөд, хамт олноороо хүрэлцэн ирж үзэхийг урьж байна.

Өдөрлөг 24-ний Бямба гарагийн 13 цагт Яармагийн дэнжид болно.