Монгол Улсад авто тээврийн салбар үүсч хөгжсөний 87 жилийн ойн хүрээнд Авто Тээврийн Газар, Замын Цагдаагийн Газар, Мишээл Группээс хамтран зохион байгуулсан Улаанбаатар Авто Экспо -2012 үзэсгэлэн 7 дахь жилдээ 2012.06.15-18-ны хооронд Мишээл Экспо Төвд зохион байгуулагдлаа.Дэлхийн автомашины хөгжлийн чиг хандлагыг олон нийтэд таниулах зорилготой энэхүү үзэсгэлэнд Ниссан Мотор компанийн албан ёсны дистрибютер Моннис Моторс компани Ниссан брэндийн шинэ загварын автомашинууд болох Санни, Патрол У62 болон Х-Трэйл зэрэг автомашинуудаар оролцож байна.

Уг үзэсгэлэнгийн үеэр Моннис Моторс компанийн хамт олон хүрэлцэн ирсэн зочдод зориулан сюрприз дүүрэн шоу үзүүлбэр хийлээ. Тус шоунд дуучин Анхаа-Халиунаа, Киви хамтлагийн ахлагч дуучин Ука зэрэг урлагийн одууд ая дуугаа өргөсөн ба үзэгчдийн дунд хөгжөөнт тоглоом, асуулт хариултын тэмцээн зэрэг чөлөөт арга хэмжээнүүд явагдсан юм.

Авто Экспо үзэсгэлэнд Моннис Моторс компани 2013 оны бүрэн шинэчлэгдсэн Ниссан Санни автомашиныг анх удаа олны өмнө танилцууллаа. Мөн Үндэсний Их Баяр Наадмыг тохиолдуулан Ниссан брэндийн бүх автомашин дээрээ үнийн огцом хямдрал зарлаж байгааг хуран цугларсан олонд сонордуулсан юм.

Моннис Моторс компани үзэсгэлэнгийн тайз засалт болон шоу үзүүлбэрт ихээхэн ач холбогдол өгч оролцсон ба арга хэмжээний зохион байгуулагчид тус компанийг Улаанбаатар Авто Экспогийн “Шилдэг оролцогч”-оор шалгаруулсан юм.