Сагсан бөмбөг сонирхогчдын бүтэн жилийн турш хүсэн хүлээдэг Бүх оддын тоглолт 4 дүгээр сарын 16-нд СТО-нд үзэгчдээр дүүрэн болж өнгөрлөө. Тус тэмцээний цар хүрээ, үзэгчдийн тоо жилээс жилд өсөн нэмэгдэж байгаа ба энэ жил сонирхолтой тоглолт, гайхалтай үзүүлбэрүүдээр баялаг болж өнгөрсөн юм.Тус тэмцээнд цагаан өмсгөлтэй оролцсон Инфинити баг, улаан өмсгөлтэй Ниссан багуудын хооронд гал гарсан тоглолтууд болж байсан ба үзэгчдийг аргагүй л суудлаас нь өндөлзүүлж байлаа. 4 үеийн турш өрсөлдөөнтэй тоглож Инфинити баг 107:97 онооны харьцаатайгаар тэргүүлж ивээн тэтгэгч Моннис Группын нэрийн шагнал болох 700,000 төгрөгийн эзэн болсон бол 2-р байрт орсон Ниссан баг 300,000 төгрөгийг гардаж авлаа.

Мөн үзэгчдийн хамгийн их хүсэн хүлээдэг үзүүлбэр болох Цагираг дээрээс довтлолтын үзүүлбэрт Аватар багийн тоглогч Жефери тэргүүлж 500,000 төгрөгийн эзэн болсон бол хамгийн үнэ цэнэтэй тоглогчийн шагналыг Баянзүрх Буллз багийн тоглогч Санчир гардаж авлаа.

Жилд ганцхан тохиох энэхүү оддын цуглах үдэш хэдийгээр дараа жилийн хавар болох хэдий ч Ниссан премьер лигийн тоглолтууд үргэлжилж байгаа юм.