Монголд үйл ажиллагаагаа явуулаад харьцангуй бага хугацаа өнгөрсөн хэдий ч хамгийн олон ажиллагсадтай компаниудын нэг болсон Орифлейм Монгол компани шилдэг борлуулагч нараа Ниссаны цоо шинэхэн төмөр хүлгүүдээр урамшууллаа.Гардуулж буй Qashqai автомашин нь 2011 оны шинэ загвар бөгөөд их хотын амьдралд 100% тохирсон, спорт загварын жип автомашин юм.

Ажилсаг борлуулагч нарт нь энэхүү автомашин хамгийн тохиромжтой гэж үзсэн учраас Орифлеймийнхэн Моннисоос энэхүү загварын автомашиныг сонгожээ.

Шагналын бас нэг автомашин бол XTerra нэртэй 2011 онд үйлдвэрлэгдсэн Ниссаны бартаат замын хүчирхэг автомашинуудын нэг юм байна. Хөдөө салбарын борлуулагч нартаа цаг алдалгүй хурдан шуурхай хүрэхэд XTerra хамгийн найдвартай, тохиромжтой гэж үзэн сонгосон гэжээ.

Шилдэг борлуулагч нартаа цаашдын ажилд нь амжилт хүсээд Алтын шар зам тань өлзийтэй байхын ерөөлийг дэвшүүлж байна.