Моннис Интернэшнл компаний нэрэмжит Монголын анхны автомашины Premium сугалааны үргэлжлэл болох 100:1 сугалаат худалдааны ялагчийг тодруулах арга хэмжээ амжилттай зохион байгуулагдлаа.Монголдоо анх удаа супер ялагчиддаа автомашин сойдог Premium сугалаа нь өмнө нь 30:1, 50:2 нэртэйгээр зохион байгуулагдаж байсан бол энэ удаа ялагчийн бай шагналыг туулах чадвар сайтай Ниссаны хүчирхэг жийпнүүдийн нэг болох Ниссан ХТЕRRА автомашин болгон өргөжүүлж, бүтэн 1 жилийн сервис, түүнд дагалдах сэлбэгийн хамтаар гардуулсан нь энэхүү маркетинг, идэвхжүүлэлт сурталчилгааны арга хэмжээний цар хүрээг улам өргөтгөсөн явдал боллоо.

9-р сарын 3-ны Баасан гарагийн өдрийн цайны цагаар Ниссан төв дээр зохион байгуулсан уг арга хэмжээнд 100:1 Premium сугалаанд хамрагдах эрхтэй болсон 100 харилцагч, бусад зочид оролцож, ялагчийг хамтдаа шударгаар тодрууллаа.

Олон хүний сэтгэлийг нэгэн зэрэг догдлуулж байсан тус арга хэмжээг хянахаар цагдаа, татварын байгууллагын төлөөлөгчид, хөндлөнгийн ажиглагчид ажиллаа. Сугалааны хайрцгаас гарч ирэх сугалаа бүрийн овог нэр, сугалааны дугаар зэрэг мэдээллийг том дэлгэцээр татаж харуулж байсан бөгөөд зэргэлдээх 1-ээс 100 хүртэл дугаарласан самбар дээрээс сугалагдсан дугаарыг хасаж байсан нь сугалааны үйл явцыг нэг бүрчлэн тодорхой харж болохуйц байлаа.

Самбараас хасагдаж буй сугалааны эздэд гунигтай, самбарт үлдэж буй сугалааны эздэд итгэл найдвар төрүүлсэн мөчүүд байв.

Premium сугалааны ялагчаар Ж.Батбаяр тодорсон бөгөөд баярласан сэтгэлээ бусад сугалаанд оролцогчид болон хүндэт зочидтойгоо баярын нулимстайгаар хуваалцлаа.

Моннис Интернэшнл компанис зохион байгуулдаг Premium сугалаа нь Монголдоо анхдагч төдийгүй, хамгийн шударга байдлаар азтанаа тодруулдаг учраас худалдан авагчдад таатай сэтгэгдлийг төрүүлдэг билээ.

Цоо шинэ Ниссан ХТЕRRА автомашины эзэн, Premium сугалааны ялагчдаа Алтан шар зам тань өлзийтэй байхын ерөөлийг дэвшүүлье.