Аэро Монголиа ХХК нь Монголын агаарын тээврийн салбарын анхдагч компаниудын нэг бөгөөд 2003 онд зорчигч тээврийн анхны нислэгээ орон нутагт үйлдэж эхэлсэн ба одоогоор 200 гаруй ажилтан, албан хаагчидтайгаар үйл ажиллагаагаа амжилттай явуулж байна. Бид сүүлийн үеийн найдвартай техник технологиор бүрэн тоноглогдсон 50 хүний суудалтай Embraer ERJ-145 загварын 2 онгоц, 141 хүний суудалтай Airbus A319-112, 143 хүний суудалтай Airbus A319-115 загварын агаарын хөлөгтэйгөөр нислэг үйлдвэрлэлийн үйлчилгээ үзүүлж байна.

Олон улсын шууд нислэгийн чиглэл:
Сөүл, Солонгос
Токио, Япон
Хөх хот, Хятад
Ханой, Вьетнам
Тяньжинь, Хятад
Иркутск, Орос

Орон нутгийн нислэгийн чиглэл:
Мөрөн, Хөвсгөл
Даланзадгад, Өмнөговь
Өлгий, Баян-Өлгий
Ховд
Увс
Алтай, Говь-Алтай
Завхан

Бидний эзэмшиж буй агаарын хөлөг:

Embraer ERJ-145 (2)
Airbus A319 (2)
Airbus A320 (1)

Аэро Монголиа ХХК нь олон улсын авиа компани, мэргэжлийн байгууллагуудтай хамтран баг хамт олноо суралцах, хөгжих боломжоор хангадаг. Тодруулбал, Аэро Монголиа ХХК-ийн нисгэгчид нь Монголын Иргэний Агаарын Тээвэрт олон жил хүчин зүтгэсэн бөгөөд агаарт 8000-23000 цагийн гүйцэтгэлтэй, олон Улсын Иргэний Нисэхийн дүрмийн шаардлагын дагуу битүүмжлэлтэй кабины болон авран хамгаалах, шилжих сургалт, давтан сургалтыг БНСУ, Малайз, Сингапур болон Швед улсын “Oxford Aviation Academy”-д жилд 2 удаа тус тус тогтмол хуваарийн дагуу хамрагддаг. Мөн Аэро Монголиа ХХК нь CAE (civil aviation training network), Turkish Airlines, Eastern airways, Lufthansa Aviation Training байгууллагуудтай хамтран бүхээгийн ажилчдаа, Airbus, AVIET, Aero Ground Training байгууллагуудтай хамтран техникийн засвар үйлчилгээний ажилчдаа, Airbus, Asistim Airline services, Jeppesen байгууллагуудтай хамтран нислэг зохицуулалтын хэлтсийн ажилчдаа сургалтад хамруулж байна. Түүнчлэн, Air Maestro, Alliance Airlines, SITA, Cassiopee, AMS (Aircraft maintenance systems) болон ANA Catering Service зэрэг олон улсын байгууллагуудтай хамтран ажиллаж байна.

Аэро Монголиа компанийг зорчигч, үйлчлүүлэгчдийн сэтгэл ханамжийг өндөр байлгаж, найдвартай, аюулгүй үйлчилгээ үзүүлэх хүчин чармайлтуудыг Дэлхийн чанарын хорооноос үнэлж 2006 онд Францын Парис хотноо "Алтан од" шагналыг гардуулсан бол энэхүү шагналын дээд шагнал болох “Цагаан алтан од” шагналыг 2008 онд мөн гардуулсан нь компанийн хамт олны төдийгүй Монголын Иргэний Агаарын тээврийн түүхэн дэх томоохон үйл явдал болсон билээ.

Бид Монголын агаарын тээврийн салбарт тодорхой хувь нэмэр оруулж, нисэхийн болон нислэгийн аюулгүй ажиллагааны чанар стандартыг чанд мөрдөн ажиллаж, тав тухтай, найрсаг, шуурхай үйлчилгээтэй өндөр зэрэглэлийн "Шилдэг тээвэрлэгч" байх зорилго тавин ажилладаг