Танилцуулга
Моннис групп нь 1998 онд автомашин үйлдвэрлэгчдийн нэг Япон улсын Ниссан Моторс компанийн албан ёсны дистрибьютр болж үйл ажиллагаагаа эхлүүлсэн. Авто машин, агаарын тээвэр, уул уурхайн тоног төхөөрөмж, эрчим хүчний засвар угсралт, инженеринг, дэд бүтэц, үл хөдлөх хөрөнгийн менежмент зэрэг 6 салбарт 12 охин компани, 1400 орчим ажилтан албан хаагчтайгаар үйл ажиллагаагаа явуулж байна. Бид Монголын зах зээлд тос тосолгооны TotalEnergies, агааржуулалтын системийн Clemcorp, лифт үйлдвэрлэлийн Schindler, уул уурхайн салбарт Германы үйлдвэрлэгч LIEBHERR брэндийн хүнд даацын тоног төхөөрөмж, машин механизм, автомашины салбарт Nissan, Renault брэндийн автомашныг албан ёсны эрхтэйгээр худалдан борлуулж, агаарын тээврийн салбарт Моннис группын охин компани Аэро Монголиа ХХК нь олон улсын болон орон нутгийн чиглэлд тогтмол нислэг үйлдэж байна. Мөн үл хөдлөх хөрөнгийн менежментийн төслүүдийг хэрэгжүүлэх, борлуулалт, түрээсийн менежментийн чиглэлээр үйлчилгээ эрхэлж, барилга угсралтын чиглэлээр төсөл хөтөлбөрүүд хэрэгжүүлж үйл ажиллагаа явуулдаг. Моннис группын толгой компани Моннис Интернэшнл ХХК нь 2004, 2005, 2006, 2007, 2009, 2010, 2011, 2012, 2013, 2014, 2016 онуудад Монголын ТОП-100, охин компани болох Mines Up ХХК 2022 онд Монголын ТОП-100 аж ахуй нэгжээр тус тус шалгарсан.
Моннис групп нь дэлхийд танигдсан томоохон үйлдвэрлэгчдийн бүтээгдэхүүнийг албан ёсны эрхтэйгээр Монгол оронд төлөөлөн ажиллаж, хэрэглэгч нартаа өндөр чанар, найдвартай үйчилгээг хүргэхийг зорьж, Монгол Улсын уул уурхай аж үйлдвэрлэлийн салбарт хувь нэмрээ оруулан ажиллаж байна. Мөн бид Монгол залуусын хувь хүний хөгжлийг онцгойлон анхаарч, дэлхийн түвшинд хүрсэн залуу инженер боловсон хүчинг бэлтгэхийн төлөө хичээн ажиллаж байна.