Моннис Группээс 2009 оноос эхлэн харилцагч компаниудынхаа дунд уламжлал болгон зохион байгуулж буй Нөхөрсөг тэмцээн-2011 нь Ул тунхагласны баяр буюу 11 дүгээр сарын 26-нд нээлтээ хийн 2 өдрийн турш ширүүн өрсөлдөөн, хөгжөөн дэмжигчдийн уухайн дунд маш амжилттай сайхан зохион байгуулагдлаа.Энэхүү тэмцээнд 9 компаний эрэгтэй, эмэгтэй нийт 17 баг, 170 орчим тамирчид оролцсон ба 2 өдрийн давхардсан тоогоор нийт 500 орчим хөгжөөн дэмжигчид оролцсон юм.

Энэхүү тэмцээнд эрэгтэй багуудаас 1 дүгээр байрт Оюу толгой, 2 дугаарт Алтайн хүдэр, 3 дугаарт Моннис Интернэшнл-ийн баг тамирчид орсон бол эмэгтэй багуудаас 1 дүгээр байрт South gobi Sands, 2 дугаарт Моннис Интернэшнл, 3 дугаарт Алтайн хүдэр компанийн баг тамирчид шалгарч шилжин явах цом, мөнгөн шагнал, алт, мөнгө, хүрэл медалуудын эзэд боллоо.

Тус тэмцээн нь цаашид жил бүр зохион байгуулагдах ба оролцогч компаниудынхаа тоог нэмэн жилээс жилд цар хүрээгээ өргөжүүлэх юм.