АНУ-н Нью-Йорк хотноо зохион байгуулагдсан “Дэлхийн шилдэг автомашин” шалгаруулах арга хэмжээ ялагчаа тодрууллаа. АНУ, Европ, Япон улсад зохион байгуулагддаг шалгаруулалтыг бодвол “World Car of The Year” шалгаруулалтанд хамгийн багадаа хоёр тивийн таван улсад худалдаалдаг автомашинууд оролцдогоороо онцлог юм.Шалгаруулалтны сүүлийн шатанд гурван автомашин тунаж үлдсэн нь Nissan Leaf, Audi A8 болон BMW 5 Series байв.

Шүүгч нар эцсийн саналаа Nissan Мотор компанийн электрон автомашин Leaf-д өгснөөр энэ жилийн шилдгийн шилдэг автомашинаар Nissan Leaf шалгарлаа.

Мөн түүнчлэн шилдэг спорт автомашинаар - Ferrari 458 Italia, шилдэг эко-автомашинаар -Chevrolet Volt, харин хамгийн шилдэг дизайнтай автомашинаар Aston Martin Rapide нар шалгарчээ.


Дэлхийн шилдэг автомашины ялагчид:

2011 он – Nissan Leaf
2010 он – Volkswagen Polo
2009 он – Volkswagen Golf
2008 он – Mazda2
2007 он - Lexus LS460
2006 он – BMW 3-й серии
2005 он – Audi A6