1998 Ниссан Мотор корпорацийн албан ёсны дистрибьютор болсноор Моннис компани үүсгэн байгуулагдав. (Япон)
2002 Уул уурхай, барилгын хүнд машин механизм үйлдвэрлэлээрээ дэлхийд тэргүүлэгч Лиебхэрр Группын албан ёсны дистрибьютор болсон. (Герман)
2003 Fuchs брэндийн бүтээгдэхүүнийг эх орондоо нэвтрүүлж эхэлсэн. (Герман)
2003 Berco брэндийн бүтээгдэхүүнийг эх орондоо нэвтрүүлж эхэлсэн. (Итали)
2003 Ашигт малтмал боловсруулалт, баяжуулалтын технологиор дэлхийд тэргүүлэгч Оutotec группын албан ёсны төлөөлөгч болсон. (Финлянд)
2004 Суудлын автомашин болон хүнд даацын дугуй үйлдвэрлэгч Good Year брэндийн албан ёсны дистрибьютор болсон. (АНУ)
2005 Baldwin filters-тэй хамтын ажиллагаагаа эхлүүлсэн. (АНУ)
2006 Зам, барилгын тоног төхөөрөмж үйлдвэрлэлээрээ тэргүүлэгч БОМАГ группын албан ёсны дистрибьютор болсон. (Герман)
2006 Ниссаны олон улсын стандартын дагуу автомашины үзэсгэлэнгийн танхим, сэлбэг, засвар үйлчилгээний цогц Ниссан төвийн барилгыг ашиглалтанд оруулав.
2006 Моннис Интернэшнл ХХК олимпийн спортыг дэмжин ажиллах зорилгоор Монголын Үндэсний Олимпийн Хороотой урт хугацааны түншлэлийн гэрээ байгуулав.
2007 North Hauler компанитай хамтын ажиллагаагаа эхлүүлэв. (Terex) (БНХАУ, Англи)
2007 LeTourneau Technologies компанийн албан ёсны дистрибьютор болсон. (АНУ)
2007 Ansul брэндийн албан ёсны дистрибьютор болсон. (АНУ)
2007 Монгол орны үзэсгэлэнт байгалийг сурталчилан таниулах, дотоодын аялал жуулчлалыг хөгжүүлэх зорилготой адал явдалт, бартаат замын Ниссан Тур аяллыг анх удаагаа зохион байгуулав.
2007 Монголд анх удаа автомашины шинэ загварыг албан ёсоор танилцуулах арга хэмжээг зохион байгуулав.
2007 Шилдэг оюутнуудыг дэмжих зорилгой бүхий Ирээдүйн Манлайлагч тэтгэлэгт хөтөлбөрийг анх удаагаа санаачлан зохион байгуулав.
2008 Intel корпорацийн албан ёсны дистрибьютор болсон. (АНУ)
2008
Моннис Групп байгуулагдсаны 10 жилийн ойг тэмдэглэн өнгөрүүллээ. Үүний хүрээнд нийгмийн хариуцлагын томоохон ажлуудыг зохион байгуулсан юм.
2009 Цахилгаан үүсгүүр, хүнд машин механизмын хөдөлгүүр үйлдвэрлэгч Cummins брэндийн албан ёсны дистрибьютор болсон. (АНУ)
2009 Оффис, үйлчилгээний төвийн зориулалт бүхий Моннис Цамхагийг барилгын орчин үеийн дэвшилтэт технологи ашиглан барьж ашиглалтанд орууллаа.
2009
Монголд анх удаа автомашины хонжвортой 30:1 Премиум сугалаат худалдааг санаачлан зохион байгуулав.
2010 Бутлагч, шигшигч үйлдвэрлэлээрээ тэргүүлэгч Striker брэндийн албан ёсны дистрибьютор болсон.(Австрали)
2010 Жил бүр уламжлал болгон зохион байгуулдаг Харилцагчдын дундах сагсан бөмбөгийн Нөхөрсөг тэмцээнийг анх удаагаа санаачлан зохион байгуулав.
2010 Ниссан Патролын 6 дахь үеийн загвар болох Ү62 автомашиныг Монголын зах зээлд албан ёсоор танилцуулав.

2011 Бүх төрлийн дугуйт ачигч үйлдвэрлэгч Kawasaki брэндийн албан ёсны дистрибьютор болсон. (Япон)
2011 Хүнд даацын автомашины тэвш үйлдвэрлэгч Duratray брэндийн албан ёсны дистрибьютор болсон. (Австрали)
2011 Хамгийн сайн чанарын хурдны хайрцаг үйлдвэрлэгч Allison Transmission брэндийн албан ёсны дистрибьютор болсон. (АНУ)
2011 Хан-Уул дүүрэгт байрлах оффис, үйлчилгээний төвийн зориулалттай Моннис Бьюлдингийг бүрэн ашиглалтанд орууллаа.
2011 Монголын сагсан бөмбөгийн Үндэсний дээд лигийн тэмцээнийг ивээн тэтгэв.
2012 Экскаватор, дугуйт ачигч зэрэг хүнд машин механизмын шанага, хутганы ир, хамгаалалтын эд ангиуд үйлдвэрлэгч Esco брэндийн албан ёсны дистрибьютор болсон. (АНУ)
2012 Өсвөр үеийнхний дунд Монгол орон даяар анх удаагаа зохиогдсон “Монгол мөрөөдлийн баг” сагсан бөмбөгийн тэмцээнийг ивээн тэтгэв.
2012 Ниссан төвийн Эрдэнэт салбарыг албан ёсоор нээж ашиглалтанд оруулав.
2012 “Universe Best Songs 2013” наамдын ивээн тэтгэгчээр дэмжин оролцлоо.
2012 “Азийн эмэгтэйчүүдийн боксын аварга шалгаруулах тэмцээн”-ий ерөнхий ивээн тэтггэгчээр оролцлоо
2012 Итали-Өсвөрийн зуслан” хөлбөмбөгийн спортыг хөгжүүлэх төслийн ерөнхий ивээн тэтгэгчээр ажиллалаа.
2013 Тос, тосолгооны материал үйлдвэрлэлээрээ тэргүүлэгчдийн нэг Total брэндийн албан ёсны дистрибьютор болсон. (Франц)
2013 Ниссан төвийн Амгалан салбарыг албан ёсоор нээж ашиглалтанд оруулав.
2013 “Моннис Экьюпмент Эвент” хүнд машин механизм танилцуулах өдөрлөгийг анх удаа зохион байгууллаа

ИРЭЭДҮЙН МАНЛАЙЛАГЧ тэтгэлэгт хөтөлбөр -2012 зарлагдлаа

Моннис интернэшнл 2012-2013 оны хичээлийн жилийн
Ирээдүйн манлайлагч тэтгэлэгт хөтөлбөрт таныг урьж байна.




Моннис интернэшнл 2007 оноос эхлэн 6 дахь жилдээ сурах эрмэлзэл дүүрэн оюутан залууст зориулж Ирээдүйн манлайлагч тэтгэлэгт хөтөлбөрийг жил бүр уламжлал болгон хэрэгжүүлж байгаа билээ. Бидний зорилго компанийн хүний нөөцийн бодлогын хүрээнд тэргүүний шилдэг оюутны хөдөлмөрийг үнэлэх, цаашид сурч боловсрох хүсэл эрмэлзлийг өрнүүлэх, улс орондоо хэрэгтэй сайн боловсон хүчин бэлдэхэд оршино.

Ирээдүйн манлайлагч тэтгэлэгт хөтөлбөрт Монгол Улсын магадлан итгэмжлэгдсэн их дээд сургуулийн бакалавр зэргийн өдрийн ангид суралцаж буй оюутнууд хамрагдах боломжтой бөгөөд тэтгэлэгт хөтөлбөр 1-2 жилийн хугацаанд сургалтын дүнг харгалзан амжилттай суралцсан оюутнуудад үргэлжлүүлэн олгоно.

2007-2008 оны хичээлийн жилд тус тэтгэлэгт хөтөлбөрт 1-ээс 4-р курсийн хот, хөдөөгийн нийт 30 оюутнуудыг шалгаруулсан билээ. Эдгээр оюутнуудаас 3,4-р курсийн 15 оюутан өөрийн суралцаж буй мэргэжлийн дагуу компанид дадлага хийж, 11 оюутан сургуулиа амжилттай төгсөж эдгээр төгсөгчдөөс 5 оюутан тус компанид ажиллаж байна.

  • 2008-2009 оны хичээлийн жилд 15 оюутан
  • 2009-2010 оны хичээлийн жилд 10 оюутан
  • 2010-2011 оны хичээлийн жилд 10 оюутан
  • 2011-2012 оны хичээлийн жилд 20 оюутан тус тус шалгаруулалтад тэнцэн компанийн тэтгэлэгт хөтөлбөрт хамрагдаж байсан билээ.

Тус компанийн Ирээдүйн манлайлагч тэтгэлэгт хөтөлбөр 2012-2013 онд цаашид үргэлжлүүлэн суралцах оюутнууд өнгөрсөн хичээлийн жилийн сурлагын голч дүнгээс хамааран шалгаруулалтад орж манай тэтгэлэгт хөтөлбөрт хамрагдах боломжтой. Энэ оны хичээлийн жилд шинээр хот хөдөөгийн нийт 20 оюутныг нэмж шалгаруулж авахаар төлөвлөөд байна. Эдгээр оюутнууд мөн адил амжилттай суралцсан тохиолдолд суралцах явцдаа тэтгэлгийг үргэлжлүүлэн авах боломжтой юм.



Тавигдах шаардлага:

  • Монгол Улсын магадлан итгэмж-лэгдсэн их дээд сургуулийн бакалаврын зэргийн өдрийн ангийн оюутан.
  • Сургуулийн үнэлгээний системээс хамаарч сурлагын голч дүн
  • 4,0 сургуулийн оюутнууд 3,5 дээш байх,
  • 100%-ийн үнэлгээтэй сургуулийнх 90%-с дээш байх,
  • Оюутны эрдэм шинжилгээний ажилд тодорхой амжилттай оролцож байсан,
  • Англи хэлийг дундаас дээш түвшинд эзэмшсэн байх,
  • Нийгэм олон нийтийн ажил, урлаг спортын тэмцээн, олимпиад бусад арга хэмжээнүүдэд амжилттай оролцож байсан.


Бүрдүүлэх материал:

  • Анкет ( Ниссан төвийн байр, вэб хуудаснаас авах )
  • Суралцагчийн өргөдөл
  • Сургуулийн албан ёсны тодорхойлолт эсвэл сургуулийн томилолт
  • Баталгаажуулсан дүнгийн жагсаалт, голч дүнгийн хамт эсвэл ЕБС-ын аттестат
  • Өөрийгөө сайн мэдэх 2 багшийн тодорхойлолт, багшаар битүүмжилсэн, холбогдох дугаарын хамт
  • Өнгөрсөн жилд суралцсан тухай сурлагын тайлан, /зөвхөн тэтгэлэгт хамрагдсан оюутнууд/
  • Эрдэм шинжилгээний бүтээл, илтгэлийн жагсаалт эсвэл спорт, урлагаар амжилт гаргаж байсныг гэрчлэх материалуудын хуулбар
  • “Миний ирээдүйн зорилт” сэдвээр 250 үгтэй ЭССЭ бичих

Сонгон шалгаруулалт

Шалгаруулалт үндсэн 3-н үе шаттай явагдана. 2012 оны 08-р сарын 17-ноос 2012 оны 09-р сарын 25-ны хооронд явагдана.

I. 2012/08/17-ноос 2012/09/15-ны хооронд Оюутны материалыг хүлээн авч комисс нэг бүрчлэн хянаж, оюутан нэг бүрээр хэлэлцэн шалгуурын хамгийн сайн биелүүлж үргэлжлүүлэн тэтгэлэгт хамрагдах болон шинээр хамрагдах 50 хүртэлх оюутныг дараагийн шатанд оруулна.

Дараагийн шатны шалгаруулалтын хугацааг өмнөх шалгаруулалтын дараа зарлана.




Оюутан танд олгогдох боломжууд:

  • Оюутны 1 жилийн сургалтын төлбөр
  • 1-2 жилийн хугацаанд сургалтын дүнг харгалзан амжилттай суралцсан оюутнуудад үргэлжлүүлэн олгогддог
  • Моннис группын аль нэг охин компанид үйлдвэрлэлийн болон дипломын дадлага хийх боломжтой
  • Тус компанид ажиллах урилга авах

Тэтгэлэгт хөтөлбөрийн шалгаруулалтад шалгарсан, үргэлжлүүлэн авах оюутнуудад “Ирээдүйн манлайлагч” тэтгэлэгт хөтөлбөрийн батламж гардуулан сургалтын төлбөрийн тэтгэлэгт хамруулна.

Дээрх материалыг бүрдүүлж гарчиглан битүүмжлэн Ниссан төвийн байранд 2012 оны 09 дугаар сарын 15-ний дотор ирүүлнэ үү!

Жич: Шалгуурт тэнцсэн оюутнуудтай эргэн холбогдох бөгөөд материал дутуу, хугацаанаас хоцорсон материал хүлээн авахгүй бөгөөд материал буцаан өгөх боломжгүй болохыг анхаарна уу!


Эндээс анкет татаж авна уу !


Харилцах хаяг:

Моннис Интернэйшнл

Ниссан төв, Нарны зам - 13,

Сүхбаатар дүүрэг, Улаанбаатар, Монгол Улс, Шуудангийн хайрцаг 28/394

Tel: (976 11) 311687; 318283, 318284

Fax: (976 11) 323248

E-mail: hr@monnis.com