1998 Ниссан Мотор корпорацийн албан ёсны дистрибьютор болсноор Моннис компани үүсгэн байгуулагдав. (Япон)
2002 Уул уурхай, барилгын хүнд машин механизм үйлдвэрлэлээрээ дэлхийд тэргүүлэгч Лиебхэрр Группын албан ёсны дистрибьютор болсон. (Герман)
2003 Fuchs брэндийн бүтээгдэхүүнийг эх орондоо нэвтрүүлж эхэлсэн. (Герман)
2003 Berco брэндийн бүтээгдэхүүнийг эх орондоо нэвтрүүлж эхэлсэн. (Итали)
2003 Ашигт малтмал боловсруулалт, баяжуулалтын технологиор дэлхийд тэргүүлэгч Оutotec группын албан ёсны төлөөлөгч болсон. (Финлянд)
2004 Суудлын автомашин болон хүнд даацын дугуй үйлдвэрлэгч Good Year брэндийн албан ёсны дистрибьютор болсон. (АНУ)
2005 Baldwin filters-тэй хамтын ажиллагаагаа эхлүүлсэн. (АНУ)
2006 Зам, барилгын тоног төхөөрөмж үйлдвэрлэлээрээ тэргүүлэгч БОМАГ группын албан ёсны дистрибьютор болсон. (Герман)
2006 Ниссаны олон улсын стандартын дагуу автомашины үзэсгэлэнгийн танхим, сэлбэг, засвар үйлчилгээний цогц Ниссан төвийн барилгыг ашиглалтанд оруулав.
2006 Моннис Интернэшнл ХХК олимпийн спортыг дэмжин ажиллах зорилгоор Монголын Үндэсний Олимпийн Хороотой урт хугацааны түншлэлийн гэрээ байгуулав.
2007 North Hauler компанитай хамтын ажиллагаагаа эхлүүлэв. (Terex) (БНХАУ, Англи)
2007 LeTourneau Technologies компанийн албан ёсны дистрибьютор болсон. (АНУ)
2007 Ansul брэндийн албан ёсны дистрибьютор болсон. (АНУ)
2007 Монгол орны үзэсгэлэнт байгалийг сурталчилан таниулах, дотоодын аялал жуулчлалыг хөгжүүлэх зорилготой адал явдалт, бартаат замын Ниссан Тур аяллыг анх удаагаа зохион байгуулав.
2007 Монголд анх удаа автомашины шинэ загварыг албан ёсоор танилцуулах арга хэмжээг зохион байгуулав.
2007 Шилдэг оюутнуудыг дэмжих зорилгой бүхий Ирээдүйн Манлайлагч тэтгэлэгт хөтөлбөрийг анх удаагаа санаачлан зохион байгуулав.
2008 Intel корпорацийн албан ёсны дистрибьютор болсон. (АНУ)
2008
Моннис Групп байгуулагдсаны 10 жилийн ойг тэмдэглэн өнгөрүүллээ. Үүний хүрээнд нийгмийн хариуцлагын томоохон ажлуудыг зохион байгуулсан юм.
2009 Цахилгаан үүсгүүр, хүнд машин механизмын хөдөлгүүр үйлдвэрлэгч Cummins брэндийн албан ёсны дистрибьютор болсон. (АНУ)
2009 Оффис, үйлчилгээний төвийн зориулалт бүхий Моннис Цамхагийг барилгын орчин үеийн дэвшилтэт технологи ашиглан барьж ашиглалтанд орууллаа.
2009
Монголд анх удаа автомашины хонжвортой 30:1 Премиум сугалаат худалдааг санаачлан зохион байгуулав.
2010 Бутлагч, шигшигч үйлдвэрлэлээрээ тэргүүлэгч Striker брэндийн албан ёсны дистрибьютор болсон.(Австрали)
2010 Жил бүр уламжлал болгон зохион байгуулдаг Харилцагчдын дундах сагсан бөмбөгийн Нөхөрсөг тэмцээнийг анх удаагаа санаачлан зохион байгуулав.
2010 Ниссан Патролын 6 дахь үеийн загвар болох Ү62 автомашиныг Монголын зах зээлд албан ёсоор танилцуулав.

2011 Бүх төрлийн дугуйт ачигч үйлдвэрлэгч Kawasaki брэндийн албан ёсны дистрибьютор болсон. (Япон)
2011 Хүнд даацын автомашины тэвш үйлдвэрлэгч Duratray брэндийн албан ёсны дистрибьютор болсон. (Австрали)
2011 Хамгийн сайн чанарын хурдны хайрцаг үйлдвэрлэгч Allison Transmission брэндийн албан ёсны дистрибьютор болсон. (АНУ)
2011 Хан-Уул дүүрэгт байрлах оффис, үйлчилгээний төвийн зориулалттай Моннис Бьюлдингийг бүрэн ашиглалтанд орууллаа.
2011 Монголын сагсан бөмбөгийн Үндэсний дээд лигийн тэмцээнийг ивээн тэтгэв.
2012 Экскаватор, дугуйт ачигч зэрэг хүнд машин механизмын шанага, хутганы ир, хамгаалалтын эд ангиуд үйлдвэрлэгч Esco брэндийн албан ёсны дистрибьютор болсон. (АНУ)
2012 Өсвөр үеийнхний дунд Монгол орон даяар анх удаагаа зохиогдсон “Монгол мөрөөдлийн баг” сагсан бөмбөгийн тэмцээнийг ивээн тэтгэв.
2012 Ниссан төвийн Эрдэнэт салбарыг албан ёсоор нээж ашиглалтанд оруулав.
2012 “Universe Best Songs 2013” наамдын ивээн тэтгэгчээр дэмжин оролцлоо.
2012 “Азийн эмэгтэйчүүдийн боксын аварга шалгаруулах тэмцээн”-ий ерөнхий ивээн тэтггэгчээр оролцлоо
2012 Итали-Өсвөрийн зуслан” хөлбөмбөгийн спортыг хөгжүүлэх төслийн ерөнхий ивээн тэтгэгчээр ажиллалаа.
2013 Тос, тосолгооны материал үйлдвэрлэлээрээ тэргүүлэгчдийн нэг Total брэндийн албан ёсны дистрибьютор болсон. (Франц)
2013 Ниссан төвийн Амгалан салбарыг албан ёсоор нээж ашиглалтанд оруулав.
2013 “Моннис Экьюпмент Эвент” хүнд машин механизм танилцуулах өдөрлөгийг анх удаа зохион байгууллаа

Д.Сайнбаяр: Моннис Групп олон зуун айлын орон сууцны төсөл дээр ажиллахаар боллoo

Моннис группын дэд ерөнхийлөгч Д.Сайнбаяртай ярилцлааГэр хорооллын дахин төлөвлөлтөд оролцох саналаа өгөөд анхны даваагаа давчихлаа. Яагаад энэ ажилд оролцохоор болов?

Шинэ Засгийн Газрын бодлогыг дэмжиж, Улаанбаатар хотыг үтэр түргэн хугацаанд утаанаас салган, иргэдийг тав тухтай амьдруулах үндэсний хэмжээний хөтөлбөрт оролцож хувь нэмрээ оруулъя гэж бодсон. Тиймээс Баянзүрх дүүргийн 14 дүгээр хорооллын тодорхой бүсүүдэд олон мянган айлын орон сууцны төсөл дээр эрсдлээ даагаад ажиллах болж байна. Өнөөдөр олон Монгол өрх аль өнгөрсөн зууны үе шиг амьдарч байна. Хөрсний бохирдлын тухай бид төдийлөн ярихгүй байна. Хөрсний, агаарын бохирдол үндэсний аюулгүй байдлын хэмжээнд хүрээд байна шүү дээ. Гэр хорооллыг орон сууцжуулах ажилд оролцохыг бид нийгмийн хариуцлага гэж ойлгож, өөрсдийн хувь нэмрээ оруулахыг хүссэн. Хувийн хэвшлээ ард иргэд нь сайн дэмжээсэй гэж хүсэх байна. Улс эх орны энэ бүтээн байгуулалтыг бид хамтдаа л хийх ёстой. Түүнээс биш илүү ашигтай бизнес цаана чинь зөндөө байгаа. Ингэж нийгмийн хариуцлагаа хэрэгжүүлж байгаа компаниудаа ард иргэд дэмжээсэй, ад үздэг байсан бол битгий ад үзээрэй гэж хэлэх байна.

Сонгосон байршилдаа хэрэгжүүлэхээр бодож төлөвлөсөн төслүүдээсээ хуваалцаач?

Бид аль болохоор бага талбай ашиглаж, 15-аас дээш давхар, орчин үеийн орон сууцыг, ногоон технологи ашиглаж барихыг төлөвлөж байна. Сургууль, цэцэрлэгээ болж өгвөл орон сууцтайгаа зэрэг барих санаа байна. Ард иргэд маань хэрхэн хамтрахаас бас их шалтгаална.

Төсөл хэрэгжүүлэх гэж буй байршлаа хэр судалсан бэ?

Судалж байсаан. 2-3 жилийн өмнөөс судалсан. Ер нь энэ бизнес эрсдэл өндөртэй бизнес шүү. Гэхдээ бид энэ ажлыг хийж хэрэгжүүлнэ гэж компанийнхаа урт хугацааны зорилтод төлөвлөсөн байгаа.

Газрын үнийг төрөөс тогтоосонгүй. Иргэд компанийн тохиролцоон дээр тулгуурлана гэж байгаа. Энэ хэцүү биш үү. Ямар санагдаж байна?

Газар болоод эд хөрөнгийг зах зээлийн үнээр үнэлэхийг хичээнэ. Гэхдээ зах зээлийн бус хэт өндөр үнээр зарахыг хичээх хүмүүс байгаа. Энэ буруу шүү. Зах зээлийн бус өндөр үнээр үнэлээд эхлэх юм бол хот маань орон сууцжих боломжгүй болно. Компаниуд бас тодорхой хэмжээний үр ашигтай, эрсдлээ хаасан маягаар ажиллах ёстой. Иргэд үүнийг ойлговол зүгээр. Насаараа гэрт байгаад байх уу, яах вэ гэдгээ бодож үзэх биз ээ. Газрыг хувьчлалаар үнэгүй авсан. Түүнийх нь оронд байр амалж байгаа компаниудаас олон зуун сая төгрөг нэхээд байлгүйгээр, байраар соливол хэн ч бодсон ашигтай л байж таарна. Нэг компани, нэг өрх, нэг Засгийн асуудал биш юм л даа. Өөрийн тань эргэн тойрны олон хүний, олон зуун өрхийн амьдралд нөлөөлж байгааг эх орончоор ухамсарлах ёстой.

Байр баригдах хугацаанд оршин суугчдаа хаана байршуулах вэ?

Болж өгвөл бүгдийг нь орон сууцанд оруулах бодолтой байна. Дараагийн барилга баригдтал, аятайхан орон сууцанд түрээсийг нь төлөөд иргэдээ байршуулах боломжтой. Манай хувьд тийм бололцоо бүрэн байна, түүнийгээ бардам хэлж чадна.

Эхний барилга хэзээ ашиглалтад орох бол?

Бид энэ жил ажлаа эхлээд дараа оны 3 дугаар улиралд эхний орон сууцаа ашиглалтад өгнө гэж бодож байна. Энэ ажилд асар их хөрөнгө, сэтгэл, хүч шаардагдана. Гэхдээ үүнээс шантарч болохгүй. Хөгжил биднийг хүлээхгүй.

Моннис цамхаг гэхээр хүмүүс андахгүй. Одоо ямар төсөл хэрэгжүүлж байгаа вэ?

Моннис групп 1998 оноос хойш олон салбарт үйл ажиллагаа явуулж байна. 15 давхар Моннис цамхагийг хотын төвд барьсан. Дөрвөн улирлын цэцэрлэгт хүрээлэнд манай 16 давхар өндөр зэрэглэлийн орон сууцны барилга баригдаж байна.

Гэр хорооллыг орон сууцжуулах хөтөлбөрт иргэдийн оролцоо их чухал. Иргэддээ хандаж юу гэж хэлэх вэ?

2013 онд Монгол улсад тэр тусмаа 14 дүгээр хороонд амьдарч байгаа иргэдийг их азтай гэж би бодож байна. 1990 онд бид орон сууцжуулах төслийн тухай ярьж чадахгүй байсан. Тийм болохоор өөрийнхөө амьдарч буй цаг үетэйгээ хөл нийлүүлж, сайн зүйлийг нь олж хардаг байх ёстой. Энэ хороолол цоо шинэ хөгжлийн эхлэл гэж бодож байна. Энд амьдарч байгаа хүмүүсийг хэдэн жилийн дараа орон сууцтай байх сайхан ирээдүй хүлээж байна. Ийм ирээдүйг хамтдаа бүтээх ёстой. Манай компани болон энэ төлөвлөлтөд оролцож байгаа бусад компанитай хамтран ажиллаарай гэж иргэдээсээ хүсье. Гэр хорооллын дахин төлөвлөлтөд оролцож буй компаниудаараа би бахархаж байна.



Баярлалаа. Таны болон танай компанийн хамт олны ажилд амжилт хүсье.


Ярилцсан П.Болор
www.shinebair.mn / Тэнхлэг зууч сэтгүүл